Bharatendu Yugeen Hindi aur Sameer Yugeen Santali Sahitya mein Samajik-Sanskritik Chetna

Abstract

Bharatiya Sahitya mein Samajik-Sanskritik Chetna ka Vikas Aitihasik Paristhitiyon, Samajik Sanrachnaon tatha Samudaayik Jeevan ke Anubhavon ke Saath Hua Hai. Hindi Sahitya ke Itihaas mein Bharatendu Yug Aadhunik Chetna, Samajik Parivartan, Rashtrabhavna aur Sanskritik Aatmabodh ka Mahatvapurn Daur Maana Jaata Hai. Bharatendu Harishchandra tatha Unke Samkaaleen Rachnakaron ne Samajik Kuritiyon, Aarthik Asamaanta, Stree-Shiksha, Bhasha ke Vikas aur Rashtriya Chetna Jaise Prashnon ko Sahityik Abhivyakti Pradaan Ki. Patrakarita Bhi Samajik Jaagran ka Prabhavi Madhyam Bani. Iske Vipreet, Santali Sahitya ke Sameer Yug mein Samajik Chetna ka Nirmaan Adivasi Asmita, Samudaayik Jeevan-Moolyon, Sanskritik Sanrakshan aur Samajik-Aarthik Shoshan ke Anubhavon ke Sandarbh mein Hua. Santali Bhasha ke Vikas tatha Ol Chiki Lipi ke Vistaar ne Bhaashayi Gaurav aur Sanskritik Swabhimaan ko Sudridh Kiya. Is Sahitya mein Bhoomi evam Prakriti se Sambandh, Bhaashayi Adhikaar, Shiksha aur Baahari Hastakshep ke Viruddh Pratirodh ki Chetna Pramukhta se Abhivyakt Hui. Prastut Shodhpatra mein Donon Sahityik Paramparaon ki Samajik evam Sanskritik Chetna ka Tulnaatmak Vivechan Kiya Gaya Hai. Adhyayan se Spasht Hota Hai ki Donon mein Samajik Sudhaar, Janjaagran, Bhaashayi Chetna, Sanskritik Asmita tatha Shoshan ke Pratirodh Jaise Vyaapak Saroakaar Samaan Hain, Kintu Unki Abhivyakti Aitihasik aur Samajik Sandarbhon ke Anusaar Bhinn Hai.